JK's Photos, Games & Toys Studio: JK20181205【JK(自家用)包膠】Switch「任天堂明星大亂鬥特別版」由淺入深入研究 2018-12-26 更新

JK：「

20181205 Switch「任天堂明星大亂鬥特別版」已偷跑!!! HK$395

(月曆要另加HK$5，好友話個月曆HK$2都唔值，所以無加錢要)

今集因為Switch所以好多兄弟都入貨，亦因此快快打個BLOG同大家分享！

以下攻擊或連技，若無指明，即係用ROCKMAN做例！

壹) 跌

I. 首先，被吹飛，最緊要唔好放棄，推住前，空中係會改變軌跡，跌返進場，或比你捉邊！亦即係DI (Directional Influence)

II. 唔好唔記得，每人物至少有二段跳 (空中X)，亦可跳返場內！卡比更有5段跳；

III. 用完二段跳，其實重可以 “上必” (上B) 彈回場內或捉邊！

IV. 捉邊本身有無敵時間：按A可反擊、按前可即爬入場、按上可以跳入場！按下=放手向下跌，自殺!? 咁又唔係喎，高階玩法係按下，向下跌，再按X二段跳回場按A，跳擊！

V. 馬利奧被吹飛回場例子：先空中推左/右(最好兜到場底) > 再X(二段跳) > 再上必殺技(上B) = 捉邊 (用IV的回場方法)

貳) 擋

I. ZR = 擋

II. ZR長按 > 後 = 後Dash（空中可）

III. ZR長按 > 前 = 前Dash + 轉身，即近距離 “背取”（空中可）

IV. ZR長按 > 下 = 閃避（空中用＝Dash向地）

V. ZR長按 > 放手 = 擺姿勢，呢段時間可以接對手攻擊(不扣HP) ＝ PARRY，即 RYU / KEN BLOCKING. 接招中，會定一定，你可先入力(任何指令：跳/攻)，硬直完，你會先出招/反擊。

參) 投

I. 近R = 捉敵 > A (毆)

II. 近R = 捉敵 > 上 (上投) 對手%低 > 可以接 “空上擊” (上X+A) = 8% + …

III. 近R = 捉敵 > 前 (前投) = 9.6%

IV. 近R = 捉敵 > 後 (後投) 後投多數扣多過前投 = 13.2%

V. 近R = 捉敵 > 下 (下投) 下投多數可接連技 > “空前擊” (前X+A) = 5.4% + …

肆) 吹

I. 重點來喇：傳統大亂鬥，唔係打死對手，而係吹飛對手出場外！(雖另有計HP MODE)

II. 必殺技B係好少會 “好大力吹飛對手”，多數係牽制用或用來增加對手的%，大過100%，就可以用 SMASH擊（猛擊）來吹飛對手

III. 猛擊 = 前+A / B+A 或上+A，出招少少慢，亦可長按儲，但會大大力吹！

IV. 上必都可以吹飛對手：Zero Suit 的加速連踢 (上B)、RYU 的昇龍拳 (上B / 前.下.斜前下+B) 註: CHOP昇係扣多啲；另外留意用完上B 落地前係不可以做任何附加動作如二段跳，齋等落地；換句話說：打空氣就大鑊！

V. 上強擊 (推住上, 再按A / 推R analog上(要改掣) ) 都係強力的吹飛技，ROCKMAN的上強擊 = 昇龍拳；你會問乜推住上，唔會跳咩？下面 [掣] 就係講呢個POINT

伍) 掣 (2018-12-26 updated)

I. 大家都發覺推上 / 斜前上 / 斜後上都會跳(好似街霸咁)，按X亦係跳！但有時跌出場外，好多時會按錯上，做咗二段跳的動作，攪到需要時，無咗二段跳！

II. 選擇 “大亂鬥” 的畫面：推右 > 第5個=選項 > 按鍵：擇 “没有名字” > Pro控制器等 > 其他設定 > 第三項：快彈跳躍轉做OFF = 推上 / 斜前上 / 斜後上，係唔會跳！按+掣OK

III. 另一設定：R analog, 預設值係 “猛擊”，可改做 “強攻擊”，視乎個人喜好，改做 "強攻擊" 的話：ROCKMAN按R analog上=昇、按R analog下=鏟；RYU按R analog上 > 前.下.斜前下+B = 22.8% 連技傷害！原用 "猛擊" 就可以好直感出吹飛攻擊，如 R analog 左，就即出橫Smash；各有各好！

IV. 記住按+掣=儲存，可以改名，如 GC、Pro，玩人物後，按 "玩家1"，你就可以選用該Profile來用！